ياتوتا

ياتري ايه الحلم اللي رجع بيكي لنقطة الصفر .. ؟

اخر سؤال لتوتا
لان المده خلصت
هيكون سؤال قلم
او اخر سؤال هيتسأل
النهارده

لو عايزين يتجدد لها
يا ريت يجتمع بردو اتنين
نظرا لكتر الاسئله الى انهالت عليكى يا توتا من اول يوم

او لو حد تانى يا ريت الاختيار

ممكن تسألى يا نوسه
لسه اخر يوم النهارده

من بكره هيكون عضو تانى

لكن بعد ماتسأليها
اختارى عضو جديد

الحلم اللي رجع بيا لنقطه الصفر يوم ما دخلت الكليه احلامي كلها اتغيرت راس علي عقب حسيت ان في مكان مش مكاني ومش عارفه اعمل ايه
وبدات من اول وجديد اعيد حسباتي كلها
علي فكره اسالتك ياقلم حلوه قوي

مكنش اعرف ان انا مهمه كده خير
انا ارشح قلم

اسعدتينا يا توتا والله فى مدة استضافتك

واستعد يا قلم غدا ان شاء الله

وبالنسبة لسؤالك يانوووووووووووسة ..........

أخوكي في الله.......... إسلام

والحمد لله اتخرجت من كلية تربية .. قسم تاريخ
ههههههههههههههههه .. و يادوبك دخلت الجيش

الحمد لله كل شئ نصيب .. والحمد لله قربت أخلص جيش بفضل ربنا

وشكرا ليكي يانووووسة

بالنسبة لسؤالك ياسكاي .................... ؟

بصراحة المنتدي في قمة الروعة .. وكفاية إني قابلت ناس زيكوا ... وربنا يعلم انها مش مجاملة



وفي حاجات كتيرة عجباني في المنتدي .. لكن اكتر حاجة لفتت نظري .. المنتدي ليه غلاف جوي هو الحب ... ( ههههه غلاف جوي عشان خاطر كل الجغرافيين .. أي خدمة ) ... .
بجد الحب مغلف كل حاجة هنا في المنتدي .. والأعضاء كلها متفاهمة .. ومفيش تعنت من حد ابدا .............. .

وبالنسبة للحاجة اللي مش عاجباني : طبعا أي شئ ليه ايجابيات وسلبيات أو ميزات وعيوب ..... لكن حتي الآن ملاحظتش حاجة ............... .

لكن في حاجات مزعلاني : إن في أعضاء كتير نفسي تكون مشاركاتهم أكتر .. وفي أعضاء سجلوا في المنتدي ونفسنا نشوفهم .. بس بجد أنا مقدر كل الناااااااااااااس دي .. لأن كل واحد وليه ظروفه .. وربنا يوفقهم .

وكمان في نقطة أخري وأعتقد انها مهمة وهي : إن في مواضيع كتييييير قوي بتنزل في نفس اليوم وفي نفس المنتدي او القسم من عضو واحد .. وانا بقترح ان يكون في حد للمواضيع في القسم الواحد في اليوم الواحد

لأن بجد كده بيضيع مجهوووووووود اللي بيعمل كل الشغل الرائع واللي فوق العادة ده .. بجد نشاط غير عادي من العضو اللي بينزل مواضيع كتيرة جدا في اليوم الواحد .. لكن نفسي كلها تتقري .. لأن فيه أعضاء أوقاتها محدودة لظروف معينة ............ وربنا مع الكل .. وربنا يوفقنا كلنا لما يحبه ويرضااااااااااااه

طولت عليكوا ....

وشكرا ليكي ياسكاااااااي

ايه سر عشقك للغه العربيه

ليه مسمي نفسك قلم

منورة ياتوتا ........... .

سر عشقي للغة العربية ............ ؟! بصراحة مش عارف .. تصدقي أول مرة أفكر في السؤال ده
من صغري وبحب اللغة العربية جدا كمادة قبل التعمق في أي شئ آخر .. وربنا كرمني فيها قوي ( الحمد لله وكله بفضله ) .. وبحس بكاريزما غريبة بيني وبينها .. بحس اني مالك الدنيا وما فيها عند قرأتي للقرآن الكريم .. بالرغم أن هناك الكثير من الكلمات التي لا أعرفها .. لكن أشعر بالاستمتاع بالعبارات والجمل والتركيبات اللغوية .. وما فيها من صيغ جمالية ........... وحاجاااااااااااااات كتيييييييييرة قوي قوي.

ونفس الكلام بالنسبة للشعر .. والأدب .. والرواية .. وبتشد قوي لقوة التعبيرات فيها ................. . وهي لغة ديني ولغة بلدي .. وبجد نفسي تاخد حقها بعد ما اتجهت كل العقول نحو مدارس اللغات وأهملت لغتنا الجميلة . ولو قعدت اتكلمت عن سبب عشقي ليها .. صدقوني مش هنخلص .............. .

ههههههههههههههههههه وبالرغم من كده ما دخلتش قسم لغة عربية في الكلية ..

.. وكان نفسي أدخل قسم انجلش .. وفي الرغبات كان وراه التاريخ علطووووووول الحمد لله ربنا اكرمني بقسم جميل زي التاريخ ...

وكفاية اننا وجغراااااافيا ولاد عم

منورنا يا قلم ( اسلام ) بس هنقولك دايما يا قلم عشان اتضح حبك الشديد والكبير به

مين اللى عرفك بالمنتدى؟ ( عرفته ازاى؟)


ايه اكتر حاجه بتخاف منها ؟ ( حاجه واحده بس )

نفسك في ايه
بتفكر في ايه الايام دي

لجد منور يا قلم
واذا كان الحب هو سماتنا فأنت واحد من مساهمى وجود هذا الحب فيه

ودايما منورنا يا رب
ودايما بالحب يفضا غلافنا الجوى زى ماقلت

وربنا يوفقك يا قلم فى حياتك ويهديك للخير فى كل وقت وحين يا رب

وسؤالى ليك يا باشا :

صفه تحبها فى البنت ؟؟
وصفه تكرهها ايضا فى البنت ؟؟
وايه المواصفات الى حاططها الشريكه حياتك ؟؟


تقبل تحياتى يا بوب
والسلام ختام

ازيك يا قلوم

سؤالى ليك يا بوب

ايه الى يخليك تبكى من قلبك ؟
وايه الى يخليك تضحك من قلبك ؟؟

يلا جاوب عليك اسئله متأخره

هادفع يا ميشو خلاص ربنا فرجها الحمد لله ....... . وحلوة قوي قلوم

بالنسبة لسؤالك ياتوتا .................. .

ـ1ـ نفسي في إيه .. ؟ بصراحة السؤال ده أنا توهت جواااااااااااه

نفسي في حاجات كتير قوي .. طموحاتي ملهاااااااااش حدود .. زي اي شاب في عمري .. بجد انا توهت .

ـ2ـ بفكر في ايه الأيام دي ؟ الإجابة عالسؤال ده ياتوتا اسمحيلي هيجاوب بالنيابة عن السؤال الأول .

بصراحة كنت أستعد لبناء أحلامي .. رويدا رويدا ......................... ؟!!!
قدر الله الذي لا اله الا هو الحي القيوم الذي لاشريك له بيده الخير وهو علي كل شئ قدير .............. .
دخلت الجيش ......
ولذلك قمت بطي كل صفحاتي ولملمت أوراقي واستعدت للرحيل بعيدا عن أحلامي مؤقتا .. إلي أن أعود اليها سالما غانما بإذن الله رب العزة ................. .
والحمد لله ياتوتا هااااااااااااااااااااااااااااااااااااااااااااااااااااااااااااااااااااااااااانت خلاص . وربنا يكرم اللي ليهم جيش .. وبدعيلهم من كل قلبي .......... .

ده الجيش زي العسل هههههههههههههههه ده اللي هيخش هيشوووووووووف بلاوي ههههههههههههههههههههههههه

لكن في نقطة مهمة قوي لازم كلنا ناخد بالنا منها : ربنا لا يفعل الا الخير لعباده أجمعين .. يااااااارب

عشان كده قولتلك السؤال ده هيجاوب عاللي قبله .
وشكرا ليكي يا توتا علي اسئلتك الواقعية .

ماجاوبتش على سؤالى على فكره يا قلم

ربنا يخليك ياساسا .. دايما منورني .......... .
وربنا يخليك علي دعوتك الجميلة دي ياساسا .. وربنا يوفق الجميع .

وبالنسبة لسؤالك : دائما وأبدا أدعو الله أن يرزقني الزوجة الصالحة .. وهذا حلم من أهم أحلامي . والحمد لله علي أي رزق يرزقني به الله لأنه لا يفعل الا الخير وهناك مقوله تقلق : كل ما يتمناه المرء لا يحققه .. لكن الحمد لله علي أي شئ

مواصفات شريكة عمري وقلبي وعقلي :
ــ أريدها روح تعينني علي ديني وعلي طاعة الله .. من أجل حياة أفضل في طاعة الله .
ــ أخلاقها توحي بإمرأة تقبل علي الحياة بقلب رحب .. بقلب أري فرحته في عيناها .. لنكن زوجين صالحين في رحاب الله .
ــ القناعة والرضا بما قسمه الله .. لأن التي لا تتمتع بالقناعة لا تستحق لقب المرأة الصالحة ؛ لأنها تجحد نعمة الله .. وهذا يبينه موقف سيدنا إبراهيم مع ابنه سيدنا اسماعيل ــ عليهما وعلي نبينا أفضل الصلاة والسلام ــ عندما قال له : غيير عتبتك : أي يقصد زوجتك لأنها لم ترضي بما قسمه الله .
ــ الاهتمام بكل الجوانب الروحية والعقلية والنفسية و .. و .. بقدر المستطاع فأنا لن أحملها فوق طاقتها .. لأنها في النهاية بشر مثلي مثلها .. وإن أخطأت لا عيب .. ولكن العيب أن تستمر ............ .
ــ تمتلك روحا تشيع علي قلبي جمالا لم أره في إمرأة أخري .. والروح تدووم لكن الجمال فاني لا يدوم .. هذا إذا كانت علي قدر بسيط من الجمال .. لكن لا يمنع أن اتمني من الله المرأة الحسناء الجميلة ( ذات الوجه الملائكي ) .. والجمال نسبي .. لكني سأحب روحها قبل جمالها .. لذلك أقدم الروح قبل الجمال .. وإذا اجتمع الاثنان كانت الحياة

وفي النهاية أحمد الله علي ما رزقني اياه .. وما سيرزقني .. وكله خير

وبالنسبة للصفة اللي بحبها في البنت احترامها لنفسها ( ودي هيندرج تحتها كلام كتير قوي ) .. وبكده تجبر الآخرين علي احترامها .. لأن بجد دلوقتي في شباب كتير معندهومش دم .. ولا سايبين حتي آخر النساء المحترمات في حالها

وبالنسبة للصفة اللي مابحبهاش .. وبتعصبني وبتنرفزني ( اللامبالاة )

وشكرا ليك قوي يا ساسا علي اسئلتك الجميلة ودايما منورني

واعذروني طولت عليكوا

معلش ياااااا ميشووووووو اصلي ماشي بالترتيب علشان عليا وصلات متأخرة

منوراني يا نونا
وبعدين ما تقلقيش .. بقي يبقي نفسك في حاجة ونحرمك منها ...... ؟! يا سلاسووووخة يا ولاد .. بقي نونا تطلب حاجة ومتجيلهاش .. توتا ودياموند جاااايين جااااااايين

وبالنسبة لأسئلتك :

ـ1ـ ايه اللى بتحسه لما بتشوف الغروب؟

الغروب : بصراحة في كلام كتير قوي عايز اقوله .. بس مش هاطول عليكوا .

عندما أري الشمس تنزل رويدا رويدا لتشرب من الماء .. وترسم بين طيات البحر أجمل الألوان .. لتصبح الدنيا في ثوب جديد .. وكأنها ذاهبة إلي حفل وداع .. وأشعر وكأنني واحد من بين من يعيشون داخل هذا العالم .. تعشقه نفسي .. وتسكن إليه روحي .. وأهيم سابحا بين صفحات الماء التي رسم عليها طريقا إلي الشمس .. وأريد أن أسير علي هذا الجسر الواصل بيني وبين شمس المغيب .. عن طريق صفحات الماء وكلماتها .. وأمد للشمس يدي كي تأخذني معها في هذا العالم الرحيب .. لكنها تشير مسرعة .. لتنير حياة آخرين .. وأجلس وحيدا انتظر .. شروق يتبعه غروب من الحنين ........................ .

وعلي فكرة في ناس كتير قوي مابتحبش الغروب وبتحس بالكآبة منه .. لكني بحب الشروق والغروب .. وبحس فيهم أمل وخير يملأ العالم كله .

ـ2ـ نرجع للواقع شوية بقي : والسؤال 2 و ايه اللى ممكن يجيبلك احباط ؟

: الحمد لله لحد دلوقتي ما قبلتش حاجة جابتلي احباط .. بالرغم إني اتصدمت واحتكيت بالواقع كتيير .. لكن يا نونا بجد الرضا باللي قسمه ربنا بيريح كتيييييييييييييييييييييييييييييييير قوي .. ويخلي عندك أمل في بكره .. الحمد لله ............. .

ـ3ـ ازاى تفرح نفسك او تخرج نفسك من مود كأيب ؟

أخرج نفسي من أي مود كآبة : عندما تضيق الدنيا بما رحبت .. أسرع إلي الله وأسجد بين يديه .. حتي تدمع عيناي لبكاء قلبي .. وبعد ذلك أمسك بقلمي واكتب إلي أن تنام عيناي .

أعبر به عن كل شئ يدور بداخلي دوران الطفل حول أمه أثناء فرحته .. حروف .. كلمات .. جمل ..سطور ..إلي صفحات لا تنتهي .

شكرا ليكي يانونا علي تفاعلك .. وعلي اسئلتك اللي خدتني بين الواقع والخيال .

ميشووووووووووووو منورني .. ومعلش اتأخرت عليك ..

بالنسبة لأسئلتك يا ميشو :
ـ1ـ ايه الى يخليك تبكى من قلبك ؟ وايه الى يخليك تضحك من قلبك ؟؟

بصراحة أي حاجة متعلقة بحبي لله ولرسوله ( سيدي وحبيبي محمد بن عبد الله عليه أفضل الصلاة وأزكي السلام )

وبعد كده في حاجة تخليني أبكي جوه قلبي لما أشوف حزن في عيون اي طفل .. وخصوصا اذا كان يتيم أو مريض
ونفس الكلام أطير من الفرحة لما أشوف فرحة في عيون أي طفل .. وخصوصا لو كان يتيم أو مريض

ومنورني دايما يا ميشوووو .. وبجد شكرا ليك جدا علي اسئلتك

يا سلام طلباتك اوامر

ودي مجموعه من الكراسي
مش كرسي واحد

[b]تفتكر يا قلم ان لماذا نحزن نحن ؟؟..,.


وامتى بنحزن وامتى نبكى ( مع اختلاف الشخصات ) من وجهت نظرك ...؟[/b]

ناوي تعمل ايه بعد لما تخلص جيش
ناوي تشتغل مدرس

شكرا ليكي ياتوتا .. علي مجهودك في احضار الكراسي وتوضيب القعدة .

بس انتي جايبالي كراسي الناس قاعدة عليها .. يعني أقعد أفطس واحد فيهم

منورة يا حبيبة .. وبالنسبة لسؤالك :

ـ1ـ لماذا نحزن ؟؟ من حق أي قلب أن يحزن .. لكن رحماك بقلبك أيها الحزين .. حاول أن تفرح .. كفاك ظلما لنفسك .. من حقك أن تحزن فأنت انسان .. لكن لا تطيل حزنك .. وافرح من أجل الآخرين قبل نفسك .. إذا كنت لاتريد إشراقها بشمس الفرحة .

وأحيانا نحزن لأننا نريد أن نحزن .. وإذا لم نحزن فلن نحس بطعم الفرحة في قلوبنا وفي عيون الآخرين .. هذه هي الفطرة .. وكثيرا ما يحزن الانسان دون سبب .. فالمتضادات خلقت لتكون حياتنا .. فكل تضاد عبارة عن وجهين لعملة واحدة .. وأحيانا أيضا نحن من نصنع الحزن بأيدينا .. عندما نراه كذلك .

وهذا لايمنع أن هناك دائما أسباب لا تجعلنا نحزن فقط .. بل تجعلنا نجيش في البكاء .. لكن لماذا نحزن طويييييييييلا .. مادام هذا أمر الله وقدره .. وإذا رضينا فزنا برضا الله ولن يتغير ما وقع .. وإن لم نرضي سخط الله علينا وأيضا لن يتغير ما وقع ..................... .

ـ2ـ امتى بنحزن وامتى نبكى ( مع اختلاف الشخصيات ) من وجهة نظرك ...؟

ليس هناك شيء يفرح أو يحزن في ذاته لكن قلوبنا تصاحب عقولنا لتجعله كذلك .. وهذا يجعل من الأمر فرحا أو بكاءا باختلاف الشخصيات والمجتمعات والأزمنة .
ونحزن عندما يصطدم بداخلنا الواقع بالخيال .. فعندما يأتي الواقع بما لا يريده خيالنا .. نحزن . وهنا الواقع والخيال يلعبان دور كبيير في إيجاد التوازن بين الفرح والحزن .
أما البكاء فاعتقد أنه ليس له حين .. لأنه غير مرتبط بالحزن فقط كما هو شائع .. لكن الفرح أيضا .. ودموع القلب هنا هي صاحبة الأمر داخل هذا النطاق حيث أنها المتحكمة في البكاء أو كبته داخل سراديب النفس تائه دون دليل .

وشكرا جدا يا حبيبة علي الأسئلة الجميلة .. وربنا يفرحك دايما

يللا يا عم جابولك كراسي اهو

واختار الكرسى اللى يريحك بس استاذن من الايموشن اللى قاعده عليه


وسؤالى ليك ايه اللى انت حسه لما كنت فى الكلية ؟ وايه اللى ناقص فى الكلية؟

دايما منوراني ياتوتا .......... .

ـ1ـ ناوي تعمل ايه بعد لما تخلص جيش ؟
ـ2ـ ناوي تشتغل مدرس ؟

ادعولي بس ياتوتا ربنا يكملها علي خير ........ وإن شاااااااء الله هاخد فترة نقاهة صغيرة كده .. من البلاوي اللي الواحد شافها في الجيش .. بجد ربنا يكون في عون كل انسان في الجيش

وبعدين هابدأ أقدم في المدارس وأعمل Application في كل مدرسة .. وهاسعي زي ما ربنا أمرنا .. وهارضي بأي رزق يرزقني بيه ربنا .. وبأي حاجة . والحمد لله علي كل شئ .

وزي ما ربنا يريد .. انا راضي باللي ربنا يقسمهولي .. لو ربنا لم يرد ان يكون ليا نصيب في أي مدرسة .. يبقي علينا وعلي العمل الحر ( اللي مالوش دعوة بالشهادة يعني )

لأن مش هاعد في البيت أقول : انا لازم اشتغل بشهادتي .. واستني مدرسة وانا حاطط رجل علي رجل ......... .

لأ هانزل واشتغل أي حاجة .. لأن الشغل مش عيب اطلاقا مهما كان .. طالما رزقه من حلال .. وأدعو الله ان يبارك لي في رزقي ويوسعه عليَ .. ويكون في عون كل الشباب .. لأن الحياة دلوقتي بقت سلطة .

وهاستمر برضه للتقديم في المدارس .. وربنا هو المعين .

وربنا يوفقك يا توتا لما تتخرجي .. وتحققي كل أحلامك

متشكرين يا مصطفي عالكراسي .. وانا استأذنتها .. وبصراحة الايموشن هنا كله في منتهي الأدب والاحترام .................. يازين ما خلفتي يا زينب ( العيال كبرت )

ـ1ـايه اللى انت حسه لما كنت فى الكلية ؟

كلية تربية في كلمتين :
هي كـام مبنـي علي كـام مـدرج .. ناس بتحضر وخـلاص وكتير بيهرج
زي اي كلية في مصر المحروسة .. كلية لشـوية بني ادميـين بتـخرج
عمري ماحسيت اني في جامعة .. لكن الرضا بالقسمة حياة ومـنهج

حتة كده عشان خاطر كليتنا

مش هاكدب عليك .. انا كان نفسي ادخل جامعة القاهرة ( ده بينها وبين بيتي حوالي تلت ساعة ) .. وغير كده انها جامعة بمعني الكلمة .. ولقيتني فجأة بدب مشوار ساعة لكلية تربية كل يوم .. طبعا فرق شاسع .
واللي زاد وغطي .. أول انطباع ....... اتصدمت .. لكن بعد كده تأقلمت عالوضع سريعا واندمجت في حياة الكلية ( كلية ؟ ) المفروض انها كلية .

بس بجد يامصطفي عمري ماقابلت حد زي زمايلي واصحابي اللي قابلتهم في الكلية في كل حاجة .. مع اني اتعرفت علي كتير في جامعات تانية ... حتي الخاصة كمان .. ملاقيتش غير يتعدوا عالصوابع .. لكن تربية فيها عقول كتييير نظيفة قوي .. والمود اللي كل واحد عايزه هيلاقيه زي بره بالضبط .. هو الفرق بس ان الفصل ضيق شوية هههههههه

وكتير كانوا بيقولوا انها كفر تربية .. لاسباب كتيرة ملهاش لزمة ندخل فيها .. وعن نفسي انا غير مقتنع بالاسباب ديه طبعا .. بس بجد بقول لأي واحد مخنوق من الكلية ومودها حاول تنظر ليها نظرة احسن من كده فيها تفاؤل لان هتلاقي فيها ناس كتير يناسبوا المود اللي تحب تعيش فيه .. وبجد هتتعرف علي عقول محترمة جدا .. ومع مودك كمان .
وعلي فكرة بعض من الكلام ده انا قولته قبل كده في موضوعك لمن يهمه الأمر يا مصطفي .

ـ2ـ وايه اللى ناقص فى الكلية؟ ناقصها كلية

ههههههههههههههههههههههههههههه
معاك حق يا قلم

قولي امنيه نفسك تحققها

هههههههههههههههههههههههه

كلام صح والله



لو جالك الفرصه ووجدت مصباح علاء الدين او الفانوس السحرى وقالك اطلب تلات طلبات

يا ترى هتطلب ايه؟

مش هاطلب حاجة .. هدية مني للي حاكم البلد دي يمكن يقدر يصلح حالها بفضل الله .. ومحدش هينصلح حاله الا اذا صلح حاله هو نفسه .. وكما قال الله عز وجل في كتابه العزيز :

( إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ وَإِذَا أَرَادَ اللّهُ بِقَوْمٍ سُوءًا فَلاَ مَرَدَّ لَهُ وَمَا لَهُم مِّن دُونِهِ مِن وَالٍ )

وصدقني يا مصطفي لا طاقية الاخفا ولا الفانوس السحري هيحو ءوا في الزمن ده

ههههههههههههههههه

الزمن بقى وحش بجد يا قلم فعلا


بس يا رب ينصلح حاله

قلم لو معاك هديه تحب تهديها لمين
وليه
الشخص ده