اية هي اكتر حاجة ندمانة انك عملتيها في حياتك؟غير انك دخلتي قسم الخغرافيا

ماشي يا رفيق
فعلا كنت اول واحد اشوفك في الكليه
انا بحب مطربين كتير بس بصراحه بحب انغام اوي جدا
واكتر اغنيه بحبها اغنيه بحب نفسي وبعتلي نظره
وكمان بحب كاظم الساهر علي الرغم مبفهمش كلامه بس بحبله اغنيه هل عندك شك اصل انا بحب احترامه للمراه وتقديره لها
وعمرو دياب كل اغانيه
يا رب اكون جوبت وبزياده
وانا في انتظار اسالتكم
وممكن اعرف يا جماعه سبب اختياركم ليا بعد اذنكم

اكتر حاجه عجباكي في المنتدي واكتر حاجه مش عجباكي وحاجه مش موجوده نفسك تبقي موجوده

اكتر حاجه انا ندمانه عليها اني منمتش مهاراتي طوال اربع سنين الكليه واكتشفت الموضوع ده متاخر

بالنسبه لتوني
اكتر حاجه عجباني في المنتدي انوا مقربنا كلنا من بعض وخلانا نعرف بعض اكتر فمثلا انا مفتكرش اني اتعاملت معاك قبل كده يا توني في الكليه بس دلوقتي بتعامل معاك في المنتدي وعرفتك اكتر من الكليه وغير كده معانا دكتره بنعزهم وبنتواصل معاهم ومع بعضينا بصراحه ومن غير زعل
اكتر حاجه مش عجباني ان ممكن نكون بنتكلم في موضوع ويتقلب لموضوع ونقاش تاني ملهوش دعوه بالموضوع الاصلي

سوال لتوني ليه اخترتني لكرسي الاعتراف

طبعا منورانا يا توتا فى كرسي الاعتراف

واحب اسألك

1- مين اكتر شخص بتعزيه وتقدمى له كثير الاحترام فى حياتك؟

2- ارتبطى ولا لسه وايه هو مواصفات فتى احلامك ؟

وشكرا

نفسي اروح والف كل العالم مش دوله محدده

احسن فيلم
حب البنات

بالنسبه لسبب الاختيار لما يجي الدور عليا ممكن تساليني وارد

بحب كل الناس وبحترمهم كلهم
بس
وانا لسه مش مرتبطه ومرتبطش قبل كده

مواصفات فتي احلامي
يكون بيصلي ويعرف ربنا
ويكون طيب وحنون
طموح
يكون واضح وصريح
معندهوش لوع
يكون حد انا برتحله نفسويا

وهعيد سؤالى
مين اكتر شخص بتعزيه وتقدمى له كثير الاحترام فى حياتك؟


اختارى شخص واحد فقط


شوية رخامه بقى

هرفض بصراحه
عشان هتبقي دماغي فاضيه وانا مش بحب كده بحب تكون في حاجه شغلاني وافضل بقي اقولوا رايح فين وجي منين ويبقي هو لعبتي وتبقي الحياه نكد والغيره تشتغل والشك
ده دلوقتي اعتقادي وراي بعد كده مش عارفه والله اعلم

بالنسبه لسؤال مستر مصطفي
اكتر حد بعزه وبحترمه
كتير
بس بجد خالتوممكن
ولو ان في ناس كتير

بصي يا بوبو حكايه الزواج دي انا سيباها علي الله وزي ماتيجي مش فارقه معايا

اكتر صفه بكرها الغموض والفزله والتكبر

كان نفسي ادخل فنون جميله او تطبيقيه

اكتر ميزه ممكن الصراحه
اكتر عيب متعدش
كتير جدا اهم
التردد
العصبيه الي حدا ما
الموديه صاحبه مزاج علي حسب مزاجي

ياجماعه انا بشكر الناس اللي بتشكر اسئله ليها دلالات عقليه وداخليه يعني مش كله اسئله ععن الجواز والارتباط وفتي الاحلام لاني بجد لقيت في اسئله كتيره عن الموضوع دده وفي تخليلي اننا ناس جامعيين وفكرين في مواضيع هامه جدا اكتر من الجواز والارتباط والعيال وكده يعني

اللحظه اللي اتمناها ترجع ......................
بصراحه مش عارفه في لحظات كتير حلوه اتمني انها ترجع تاني لكن اي لحظات وحشه بمحيها من قاموس حياتي وبحاول انساها واتجاهلها تماما كانها محصلتش

اسالتك يا قلم جميله وليها معني اشكرك

بالنسبه لتوني معاك حق بس اللي علي كرسي الاعتراف الناس المشتركين اعتقد بتحب تعرف عنه حاجات بس فعلا مش لازم تكون عن الارتباط ومننساش ان في جوانب شخصيه وعقليه وكمان احلام وطموحات وان الانسان ده اكيد له فكر وفلسفه في الحياه
ممكن نحاول نعرفها

ايه اكبر مشكله واجهتك فى حياتك؟

(مشكله واحده فقط )

ونحب كمان نعرف ايه فلسفتك عن الحياة؟

ايه اكتر حاجه بتخافى منها؟

(حاجه واحده بس )

وربنا ميجبش مشاكل
يا رب
فلسفتي في الحياه اني مضيعش يوم من عمري من غير ما اعرف حاجه جديده او اشوف واتعلم حاجه واضعف الايمان يكون التامل وعدم التشاؤم وانظر للحياه بوجه رحب واني استمتع بحياتي علي قد ما اقدر

اكتر حاجه بخاف منها الشعور بعدم الامان الشعور ده بيقتلني

علي فكرة ياتوتا .. انا حسيت منك كده .. عن طريق اختيارك لصورتك

لأنه احيانا وليس دائما ........... تكون اختيارات الفرد معبرة عما بداخله ............. !

لكن الآن اختلط الحابل بالنابل وأصبح اختيارات الفرد عليها ضغط غير عادي من كل الاتجاهات المحيطة به .. ومن يوفق في اختياراته فقد استطاع السيطرة علي ضغوطه المحيطة .. واعذروني عن الكلام خارج الموضوع

ايه اكتر حاجة خيفة منها انها تحصل ؟

شكرا ليك يا قلم
بالنسبه لدايموند اكتر حد مخنوقه منه ونفسي اولع فيه بجد كريم
نفسي اولع فيه

اولا بشكرك علي ذوقك يا سكاي
شعرت في يوم اني ظلمت نفسي لما باجي عليها عشان ارضي الاخرين
اديت حد حاجه لايستحقها معتقدش بصراحه

اكتر حاجه خايفه انها تحصل ان حد اكون بحبه يروح مني لاي سبب من الاسباب
وشكرا ليكي يا حبيبه

لا شكر على واجب يا توتا

ما هو اكثر شىء يعجبك فى الطبيعة ؟ ولماذا ؟

معلش تكمله السؤال

ما موقف اعجابك بالشىء ده

اكتر حاجه بحبها في الطبيعه طبيعتها وانها مش مستنعه
واكتر حاجه بحبها الورد بحس ان كله احساس وصدق
معجبه بالشئ ده كده مش عارفه ليه

توتا .. اطلب منك تلخيص حياتك في سبع كلمات منفصلة .. كل منها له معني ومدلول ........... ؟!

سؤال جميل يا قلم

وانا كمان بسألهولك يا توتا؟

حيره علي طول حيرانه ومتردده

حياه بحبب الحياه واستمتع بكل دقيقه فيها واحبها تكون واضحه وصريحه مفهاش غموض بكره الغموض جدا ربحبها تكون فيها امل في بكره مبحبش التشاؤم

حب بحب كل الناس ومعرفش اكره حد حتي لو عملي ايه

خير اكتر حاجه بتسعدني وتخليني طايره اشوف الخير في عيون الناس اللي حوليا لبعضهم

حزن لما بكون بلاقي الناس يتقطع علي بعضها واشوف الحقد والكره في عيونهم

حريه بحب اكون حره محدش يجبرني علي عمل شئ معين انا احب اكون مسؤله عن تصرفاتي حتي النهايه بخيرها وشرها

موديه بصراحه مشكلتي ان انا موديه جدا علي حسب مزاجي تكون تصرفاتي وحياتي وقراراتي متقلبه جدا

وبشكركم يا جماعه علي الاسئله واي خدعه