بفضل الله ــ سبحانه وتعالي ــ عدنا .. ومعكم بعد الفاصل
اولا أسمحوا لي أن أسافر لكن ليس بعيدا .. عن لغتنا الجميلة .. واتكلم بالعامية المصرية .. لأدخل في الموضوع مباشرة
مش عارف نونا قالت ليه ان مشهور الرجال ان كله شبه بعض .. ولو حصل كده وناس قالت البنات كلهم زي بعض .. يبقي خربت .. ومحدش هيتجوز .. لكن كل واحد فيه عيوب ............... . وهنا احاول ان اوضح بعض الصفات غير المحبوبة في البنت .. وبجد ياريت محدش يزعل مني او يضايق
لأن ده الواقع المرير
نكدية )
هي من تتخصص في العكننة علي زوجها ، وأحيانا دون مبرر . لماذا .... ؟ لأنه تأخر لسبب ضروري .. لأنه لم يحضر الطلبات معه .. لأنه دخل البيت ولم يخلع حذائه .. لأنه يخرج من بيته أنيقا في قمة الشياكة .. وممكن كمان تجيله في الحلم وتنكد عليه ... ؟
( المتطفلة )
هي من تتدخل فيما يعنيها وما لا يعنيها ، يعني ممكن تلاقي حد عنده مشكلة ومش عايزة تدخل فيها .. تلاقي واحدة قامت بكلمة تقوم عليها حريقة .. ولا خد عندك خناقات جيرانها تلاقيها واقفة جنب شباكهم تسمع الخناقة .. طيب وأنتي مالك ....؟ تقولك استني بس عايزين نسمع بيقولوا إيه .. ؟
( الزنانة )
( الزن عالودان أمر من السحر )
هذه المقولة تستخدمها المرأة كمبدأ أساسي ورئيسي وحتمي في حياتها وخصوصا مع زوجها .. وهنا تتصف بالزنانة .. ولسان حالها يقول : اذا أردت شيئا فيجب الحصول عليه .. لحد ماتطلع روح أم زوجها .. والله يكون في عونهم .. ؟
( المنافقة )
تنافق بدون حساب ، لدرجة أن نفاقها يمكن أن يكون علي أقرب الناس لها لتنال شيئا ما .. وتجدها تضحك في وجه إحداهن وبمجرد أنصرافها .. تطلعلك فيها القطط الفطسانة ...... ؟
( كمان FM وراديو )
هي من تتكلم معك وكأنك تجلس في إذاعة الشرق الأوسط .. بدون توقف .. وبدون فاصل .. وتتبع مبدأ .. مش هتقدر تغمض عينيك .. ولا بقي لما تلاقيها بتتكلم في التليفون مع إحدي زميلاتها .. يبقي نهارك مش فايت فأحسن لك تدخل تنام ولما تقوم ابقي شوفها خلصت ولا لسه ... ؟
( المسرفة )
هي من تسرف في كل شئ ........ وخصوصا في الميكاب اللي بيقولوا عليه مكياج ( واوعي تقول مكياج البنات تقول عليك فلاح ) ما علينا المهم ....... تلاقيها حطا علي وشها 2 كيلو سمن الدوار
.. وتقف قدام المرآة بالساعة .. مع إن التزين للمرأة يكون لزوجها فقط .. وما أكثر ما هو موجود بين البنات .. والاعتدال في أي شئ مطلوب
( النمامة والمغتابة )
هي من تتخذ من النم وسيلة للتسلية .. وتلاقيها قاعدة مع أصحابها البنات يقطعوا في فروة الناس .. وياعيني تلاقي بنت هادية ماشية في حالها .. يمسكوها يفصلوها .. لابسة ايه .. وجيبتها رخيصة وجزمتها مش عارف مالها ومكياجها من أبو 2.5 ، ويتسلوا عليها لحد ما يزهقوا ....؟
( المهملة )
هي من تهمل نفسها وزوجها .. ويشغلها أولادها .. وتحضير الطعام عن واجباتها .. وتلاقيها قاعدة في البيت زي الترولي .. ولا منه ماشي ولا منه موسع الطريق .. وتيجي تقولها نفسي مرة نخرج مع بعض .. تقولك أحنا في إيه ولا في إيه .. وبعدين أنا زهقانة مش عايزة أخرج .. وتبقي ممكن محتاج تتكلم في حضن حد .. تلاقيها منفضالك وسيباك .. زي القلا اللي فيها شاليموه .. لا حصلت اختراع للشرب ولا حتي فيها عصير ... ؟
( المخبرة )
هي من تتقمص دور مخبر البوليس( المفتش كورومبو )
.. وتعملك فيها سلاحف النينجا .. وتجدها تبحث ورائك عن كل صغيرة وكبيرة في حياتك .. وأي متزوج أكيد مجرب .. وجرب وحطلها فار في جاكيت البدلة بتاعتك .. وشوف هيحصل ايه .. كل يوم تفتش وراك وفي جيوبك .. وناقصة كمان تمشي وراك في الشارع وتمسك جورنال وجزمتها بتزيق .. ؟
( الشهيدة )
هي من يتهيأ لها أنها المجني عليها دائما .. وتعيش في دور الشهيدة .. وأن الكل ضدها .. والكل عليها .. ومن الممكن أن تكون أنت ( ياغلبان ) الزوج المجني عليك .. ومرة واحدة يتقلب الموضوع ضدك .. لأنه هي الشهيدة .. ؟
( الظنانة والشكاكة )
هي من تسئ الظن دائما .. لدرجة الشك والظن في نفسها .. وما أكثر الشك والظن لدي المرأة .. تشك في زوجها وأولادها بداعي وبغير داعي .. وتهدم بيتها بيدها .. وتوصل للطلاق .. وتقوله طلقني يامدحت .. يقولها استهدي بالله يا مديحة .. تقوله وهي بتصرخ طلقني بقولك .. طيب روحي وانتي طالق .. تقوله كده يا مدحت ..... لا تعليق .
( المسترجلة )
هي من تري البيت سجنا والزوج هو السجان .. وأولادها عقابا لها .. وأن الحرية لديها هو العمل وإيجاد كيانها الضائع .. وأن عدم عملها هو حكم بالإعدام .. وتحكما فيها من قبل زوجها .. لتخرج إلي مجتمع ما أكثر الصيادون به .. لا يرحمون حتي أخر النساء المحترمات
.... ؟
( الهدامة )
هي من تشعر بسعادة غامرة لحصولها علي ماتريد دون نظر إلي أي أضرار .. محبة للتفاخر بإنجازاتها .. أنها حصلت علي رجل ليس له مثيل .. وإن كان متزوج .. علي حساب إمرأة أخري .. وعلي حساب أولاده .... ولا حول ولا قوة إلا بالله ...... ؟
وفي النهاية ..... أحب أن اتكلم بعيدا عن الاسلوب الساخر .. والذي اتمني انه لم يضايق احدا من اخواتي
واقولها حقا انه علينا أن نقول أنه ليس هناك من هو خالي من العيوب .. فالعيوب كثيرة ( رجل او امراة ) .. ولكن قد نجح من قلل من تأثيرها علي أحبائه
وانه لاغني للرجل عن زوجة صاحبة روح جميلة يستريح لها .. يشكي لها أحزانه وهمومه .. ويبكي في أحضان روحها ..
ولا غني للمرأة عن زوج صالح يتقي الله فيها .. ويصونها ويحميها في ظله .. ويجعل لها الدنيا جنة .. بقدر ما استطاع .. ويجعلها ملكة متوجة في بيتها
وأدعو الله لكل من دعا الله بإنسان يصونه .. أن يتقبل الله دعائه .. وأن يرزق كل شاب بزوجة صالحة تصونه .. وكل فتاة بزوج صالح يصونها ويحميها
وياريت كل واحد يقول عالصفات اللي بيتمناها في شريك حياته .. بالنسبة لكل الاعضاء
وعذرا علي الإطالة
ونلتقي بعد الفاصل .. إن شاء الله
الإثنين مايو 11, 2009 12:05 am
لا يا قلم زي ما ذكرت كل الصفات دي في المرأه المفروض تذكر اللي بيقبلها في الرجل عشان تكون عادل
