بفضل الله ــ سبحانه وتعالي ــ عدنا .. ومعكم بعد الفاصل

أسئلة تحرق الدم .. بنتعرض ليها في حياتنا .. لدرجة اننا بنقولها دون الاحساس بها أو التفكر فيها

أنت قاعد في اودتك علي السرير وطافي النور وحاطط فوقيك ستمية بطانية
يجي أخوك الظريف يسألك : ايه ده انت حتنام
(معتقدش انى هرقص وازغرط يعنى .. وتقوم راميه باي حاجة)


انتم معزومين عند الناس أول مارحتولهم البيت فتحو الباب يقول
ابنهم االصغير انتو جيتوا
( لا ياحبيبي شوية كده وهنيجي )


أنت خارج وركبت العربية وبتدور و طالع ويجي البواب يقول لك أنت رايح الشغل يا بيه
( لا نازل أخد دش في العربية)
يانفووووووووووووخي

مسكت التليفون وبتضغط على الأرقام يجى حد يقولك أنت هتتكلم فى التليفون؟
( تروح رامي السماعة في وشه وقايم )


ربنا فاتح عليك وماسكلك كتاب وقاعد بتحفظ متحمس ( أول مره بقى ) ويجي حد يقولك ها قاعد بتذاكر ياولد
(تقوم رامي الكتاب وقايل يلعن أبو المذاكرة )


المذيعة الظريفة في العيد : "وياترى هتعملوا ايه فى العيد هتقضوه ازاى أكيد هيبقى زيارات الأهل والأصحاب وتفسحوا أولادكوا ونتصل بالمعارف ونقولهم كل سنة وانتم طيبين
( طيب هي سابت للراجل يقول ايه بقي)


والسخف بقي برامج الأطفال .... الشلل الكبير
المذيع" أنت بتحب بابا وماما
( ربنا ياخدكوا هو الطفل هتسألوه بيحبهم ولا لا .. السؤال دايما بيبقي في المواضيع المتقلبة.. غلطة يقع بها معظم مذيعي الاطفال )

رايح لبتاع العيش تقوله مثلا هات ب 2 جنيه وتلزق وراها كلمة (عيش) من غير ما تحس ...؟
(يعني هو الراجل هيبيع بومب يعني )


وعذرا علي الإطالة ....... وياريت أي حد عنده أسئلة زي ديه اتعرض ليها يقولها

منقول للإفادة

ونلتقي بعد الفاصل .. إن شاء الله

الموضوع حلو يا قلم
ومشكور على المجهود وننتظر المزيد

مشكور يا قلم على الموضوع

مشكور جدا يا قلم على الموضوع الجميل
ونتمنا المزيد...............................

منورين التوبيك يا احلي اصحاب واخوات ..

شكرا يا قلم علي الموضوع الجميل ديه

حلو قوي الموضوع ده

منوريييييييييين .. وياريت تنورونا دايما .. وشكرا علي التفاعل والردود الجميلة

والي الاماااااام

موضوع جامد يا قلم

وفعلا حجات تحرق الدم

تسلمولي ومنورني دايما ومنورين كل المنتدي