أيوه إحنا المصريين مختلفين عن الآخرين
================================



المصري هو اللّي :



ممكن يعدي التلاتين ولسه عايش مع أمه وأبوه وماعندهومش مشكلة



بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد



بيحط الريموت كونترول في كيس بلاستيك كعادة فرعونية



يقف يتكلم على الباب نص ساعة بعد إنتهاء الزيارة والسلام



لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد



ييجي بعد معاده بساعتين ويفتكر إن ده عادي



لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه



بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال



بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش



عنده صينية مكسرات متقسمة لتلات او أربع أقسام لزوم المزاج وعمره ماإستخدمها



بيكون عنده شواية لزوم الرحلات أقصى استخدام لها كان مرة واحدة في العيد



بيشيل طابع البريد من على الظرف لو الختم ماكانش عليه



بيفتكر إن أي حد بيشتغل في الخليج بيغرف فلوس من غير حساب



بيكون مشغول بقيمة التيبس أو البقشيش طول العشا ياترى ربع جنيه ولا نص جنيه



برده بيتخانق ساعة دفع الحساب بحرارة شديدة على إنه هو اللي لازم يدفع



سرقوا منه العربية بس مشكلته هي المايتي زينجر



بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا



والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملاية

ههههههههههههههه

مشكور يا كونو

لو سالتك انت مصري قولي ايه ؟

قولي مصري وابن ستين مصري

اني ش مصري اني صعيدي البطاجه مكتوب فيها اجده

ياخليك يارب ياخت نونا ويارب تكبري بجدي ومتبجيش نونا
اوعي تزعلي ابوكي العمده اصله بيحب التهريج

مشكور ليكو جميعاا

بس برضو مجوبتش عليا يا حضره العمده
لييييه ديل حمار العمده اخضر

ليه ياخويا

شكلك بتزعل معا انك جولت انك بتحب التهرييييج

بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد

يقف يتكلم على الباب نص ساعة بعد إنتهاء الزيارة والسلام

لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه

والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملاية

جامدة مووووووووووووووووووووووووووووووووووووووت يا كونو

هههههههههههههههههه

مشكور جدا لاهتمامك يا قلم

صفات حفيفيه جدا عن الجنس البشري المصري
والى بيختلف فعلا عن الاخرين

وجاااامد موضوعك كالعاده يا كونو

مشكور جدا يا ميشو يا بوب يامجتهد
على اهتمامك ومرورك

هههههههههههه
ماشى يا بوب يا كبير

على فكره النجمه بتاعتك حلوه اوى

ههههههههههههههههههههه
اتفضل

ههههههههههههههههههه

حلوة اوى يا كونو

ههههههههههههههههههه
انا حاسس انك هيست من كتر حبك فى مصر

ههههههههههههههههههههههههههههههههههههههههههههههههههههههههه


جامد جدا يا كونو