SHABAB POP = SHABAB POPular

انا مش هنزل يوم الجمعة

مش عشان بحب مبارك
ولا عشان حال البلد على ايده وصل لأيه
ولا عشان ...انا حزب وطني
......ولا عشان خايف يتقبض عليا
ولا عشان سلبي

انا مش هنزل عشان مديش فرصة لحد يقتل اخوه

انا مش هنزل امتثال لامر رسول الله
"إذا رأيتم الناس قد مرجت عهودهم ، وخفت أماناتهم وكانوا هكذا . وشبك بين أصابعه ، قال : فقمت إليه فقلت : كيف أفعل عند ذلك ! جعلني الله فداك ؟ قال : الزم بيتك ، واملك عليك لسانك ، وخذ بما تعرف ودع ما تنكر ، وعليك بأمر خاصة نفسك ، ودع عنك أمر العامة"

واليوم الجمعه
هى غرة ربيع الأول هو أحد الأشهر الحرم اللى حرم الله فيها القتال ولو مع الكفار الا دفاعا عن النفس

انا مش هنزل عشان احافظ على ممتلكات البلد
ومديش فرصة للبلطجية يلاقو حد يبلطجو عليه وتبقى مدبحة

انا مش هنزل عشان احافظ على البلد دي

عايزين البلد تتغير
عايزين مبارك يمشي بخيرة وان قل وشره ان كثر
عايزين اصلاح وتغير نظام

وعايزين برضو احس بامان وتعويض خسائر حصلت

اتكلمت وعبرت وغضبت وثورت
وابتدت الوعود مع قليل منها ابتدا يتنفذ

لازم استنى واشوف واحاسب على ردود الافعال

كلنا بنحب البلد دي و كلنا بردو يهمنا امنها ومصلحتها

يارب أحمي مصر .. واحفظها مستقره مستقله .. واخرجنا من الأزمه على خير
أمين يارب العالمين

قال رسول الله (صلى الله عليه وسلم ) (( لزوال الدنيا أهون عند الله من قتل مؤمن بغير حق ))
يارب احمى مصر و شباب مصر وقدر الخير لمصر أيا كان ارزقها الخير يارب
يارب التغير يستاهل الدم اللى راح يارب

جامد السنين يا بوب انا منزلتش ولا يوم ولا هنزل اصلاً

و حتى لو جوانا عاوزين نغير بس منخربش

انا رائيى زيك يا بوب

صح يا فرفر عندك حق .. ازيك عامل ايه ..يارب تكون بخير
ليك وحشه والله

وانتا كمان يا مصطفى و الله ليك وحشة

SHABAB POP = SHABAB POPular

بنحبــــــــك يا مصــــــــر