SHABAB POP = SHABAB POPular

لما ترجع ليا نفسي .. زي مامعوداني
وتفضل معايا كام دقيقة .. وتبقى مونساني

بفتكر اوقات برائتي .. لما كنت صغيرة
كانت لسه كفوفي نونو وفيها حتة سكرة
...اجري .. واحضن لعبتي
تملى كوني ضحكتي
كانت الدنيا بلونين
كل لون مرسوم ف عين
لونها أبيض .. زي قلبي
اللي للفرحة جرئ
ولونها وردي .. زي خدي
زي لون خد اللي ادي
لما نجري ف نور الشمس
نغني غنوة بصوت رقيق
فيها ميت احساس برئ
عاش معانا سنين طفولة بنفتكرها بابتسامة
وقلب دمعة فرحه تنزل لما كان يشوف يمامة
بيضا .. صافية
زي قلبه
اللي كل الناس تحبه

وفجاة .. الاقي نفسي تصحى
ف دنيا عجّز فيها وردي
اجري .. ألحق قبل مانسى
اشوف عينيا و شكل خدي
ف المرايا .. لما نفسي رجعتني لأحلى ذكرى
وألقى نفسي تقولي :ـ بصي
امتى أمسِك ييجي بكرة ..؟

أفوق لنفسي واقول ياريت
نفسي ارجع تاني وردة
صغننة .. ماتسيبش البيت
غير عشان فسحة ومودة
ازور جيراني واشوف حبايبي
وتحلى شمسي ف أمس صافي

الاقي نفسي ف المرايا
تضحك مني ع الحكايا
ابص واضحك .. تقول :ـ ياضحكي
خلي ذكرى الأمس وردة
و إروي كوني بلون ما بحكي
بكرة أحلى من النهاردة

SHABAB POP = SHABAB POPular

بفتكر اوقات برأتى لما كنت صغيرة