kono
ADMINISTRATOR
العمر : 35
الابراج : 
البـــلد : 
عدد المساهمــات : 21061
المزاج : رومنسى فى زمن منسى
 مشرف قسم أحلى نكته , مشرف قسم عالم السيارات , مشرف قسم الشعر
 .
 | موضوع: فوبيا الامتحانات...!!!  الجمعة يونيو 04, 2010 9:36 pm | |
| فكرت فى موضوع بيحصل لينا كلنا..وبيحصل لكل
الناس .ومن قديم الازل ....صبيان وبنات..ومحدش فلت منه..انا عارف ان الصبر
بتاعكوا قرب ينفذ من المقدمه دى... حاضر هاخش فى الموضوع اهو على
طول ...طب ثوانى بس ....الموضوع ياساده هو فوبيا إستلام و
رقة الاسئلة فى الامتحانات من اولى ابتدائى حتى الجامعه مافى حد فلت من هذه
الفوبيا (والفوبيا هى الرهبه والخوف من المجهول من شىء معين ) ...الكل بيخاف
مرورا بالرعشة وانتهاء بالرعب والفزع..مالهاش كبير..وكل واحد فينا ليه طقوس معينه
اتعود عليها اولنقل اتنصح بيها..انا مثلا اول ما أستلم ورقة الاسئلة أروح على طول قالبها على وشها
عشان مشفهاش ودى عاوزه إرادة وقوة كبيره للتحكم فى غريزة الفضول وحب الاستطلاع وسرعة
معرفة هل نجحت التوقعات المرئيه ام خابت؟...واقرأ قرأن - سوره يس بالتحديد - وادعى بعض الادعية
الخاصة بالمذاكره ....واستعرض بإرادتى الحديدية شوية كمان
وامسك ورقة الاجابة وأسطرها كلها – وهو
ده وقته ؟- وابص على كل الضحايا اقصد الزملاء فى اللجنه الاقيهم
بيقروا الاسئلة وإنطباعاتهم وضحت على وجوهم وأجد اننى
الوحيد اللى لسه لم ينل الشرف السامى فى التعرف على
شكل الاسئلة..وببطء غلس وهدوء مستفز اقلب ورقة الاسئلة وكأنى مش هاممنى قال يعنى ..
وامسك الورقه بعد ما أكون سطرت ورقه الاجابة كلها لحد اخرها
..وقريت ماتيسر من الادعية والقران ...ونظمت كمان ادواتى
على الديسك اللى قاعد عليه ..وكله تمام ولم يتبقى الا ورقة الاسئلة اللعينه
.. الظاهر انه لامفر...وابدأ اقرأ سؤال ورا سؤال وفى آخر الورقه ألمح عبارة
لواضع الاسئلة "مع تمنياتى لكم بالنجاح والتوفيق"
.ابص للجملة دى بنص عين كده واقوله فى سرى والنبى؟؟؟ .
.بتتمنالنا برضه..دنتا اذ كان عليك عاوزنا نسقط كلنا...
عبارة مستفزه جدا..وليس لها معنى سليم النيه ..طب ازاى
تيجى تقتل واحد وتقوله معلش متزعلش ..طب ازاى – ده كان
اعتقادى وقتها- واقول فىسرى برضه موجها الحديث لواضع
الاسئلة : تلاقيك قلبت الدنيا وفحرت عشان تلاقي اسئلة
منعرفش نحلها..ماعلينا سيبك من واضع الاسئلة شوية
وركز فى اللى انتى فيه ..انظر للاسئلة الكتير – اشعر انها كثيره بالفعل
- على طول ابدا فى اصداراحكاماً مبدئية ..لا ده امتحان طويل..مش هتكفى
ال3 ساعات..ايه الظلم ده ..وانا لسه مبدأتش اكتب حرف وحكمت خلاص
وهى كده ...ارجع تانى لواضع الاسئلة..أيه التصوير الزفت ده..الحبر
ضعيف..ونوع الورق ردىء..ايه مايجيبوا ورق افضل..وتصوير اوضح..وبعدين
ايه الخط ده ..لازم يكتب الاسئلة بالايد يعنى ..ماكانوا
يكتبوه على الكمبيوتر ولا حتى الاله الكاتبه..حوارات عديده وكلها
سخط وضيق..الموضوع اساسا مضايقنى..مين اللى اختراع
الاختراع الغلس ده..امتحانات..ياااااه حتى الكلمه صعبه عليا
نفسيا..ولما جم يجملوها وحولوها الى اختبارات..برضه بتضايقنى
انا مش عاوز لا امتحانات ولا اختبارات ..خليها كده مذاكرة وبس..ويكون فيه
بينا ثقه..ولا داعى لاستخدام هذا الاسلوب ..الامتحانات
..ارجع لورقة الاسئلة..يانهار..ولا عارف ولاسؤال..سقطت
وعليه العوض..إنى ماعارف حتى سؤال واحد..مش
بقولكم فوبيا..اطلب من نفسى الهدوء وتخفيف حدة السخط
شوية..اقلب الورقة تانى على وشها..يادى قلبة الورقه على
وشها..دقيقه تركيز واستجماع قوايا..الغائبه..ياقوووى ..وهوب أروح
ماسك الورقه بعد ما اعدلها طبعا وابدا اكتب فى
كراسة الاجابة اللى سطرتها فى بداية مقالتى
دى ...واكتب بسم الله الرحمن الرحيم ... اجابة السؤال الاول ومعرفش
ايه اللى بيحصل بعد كده ...مش فاكر غير انى فى اخر وقت الامتحان
اما بطلب ورق زياده او باسلم ورقة الاجابة اول واحد فى اللجنه بعد ما
اكون جاوبت على كل الاسئلة..وتطلع النتيجة واحقق اما الدرجات النهائية
فى الاعداى والثانوى او الامتياز فى مرحلة الكلية..طب ازاى..طب ايه
مش عارف ولا سؤال دى ..مش بقولكم فوبيا. | |
|
FRFRPOP
POP SUPeR STaR
العمر : 29
الابراج : 
البـــلد :
عدد المساهمــات : 3524
المزاج : RoMaNtIc
مشرف قسم كافيه شباب بوب , مشرف قسم همس المشاعر
| | موضوع: رد: فوبيا الامتحانات...!!! الجمعة يونيو 04, 2010 11:26 pm | |
| | |
|
rafeek pop
POP V.I.P
العمر : 37
الابراج : 
البـــلد :
عدد المساهمــات : 765
مشرف قسم وانا جاي النهارده , مشرف قسم فيديو أون لاين
| |
"
