هل تعتقد ان فتره الخطوبه كافيه لكي يتعرف كل من الطرفين علي الاخر؟

طبعا لأ يعنى اقصد انه حسب فتره الخطوبه ومينفعش نحكم على الفتره دى وخلاص
كمان لازم نشوف طبيعه المخطوبين لانها اكيد بتطول مده التعارف او تقصرها

هل تفضل العقد ام الخطبه مع ذكر السبب؟
انا بفضل الخطوبه "طبعا الجاده" ودى حاجه اتعلمتها من والدى بصراحه لانه الانسان الكويس يقدر يحافظ على البنت اللى معاه من غير ما يكون فى حاجه تربطهم اصلا
لكم من ناحيه تانيه وفى حاله حدوث اى خلافات لا قدر الله يبقى ممكن يكون فى انفصال وكده مستقبل البنت ادمر...وممكن لا قدر الله عريس المستقبل يتوفى يبقى البنت بقت ارمله" انا بصراحه مش ارضاها لاختى يبقى مش ارضاها لاحد"

هل تتزوج فتاه رغم عدم اقتناعك باهلها
يعني في مقوله ما يهمني اهله المهم الشخص نفسه
هل تؤمن بها؟
لأ طبعا ...لانه برده فى مقوله بتقول "ادلق القدره على فمها...."
الاهم بقى قول رسولنا الكريم "تخيروا لنطفكم فان العرق دساس"
لكن عااايز اقول انه عدم الاقتناع ده درجات يعنى فى حاجات تعدى وحاجات لأ

كم مره تزور خطيبتك في الاسبوع؟
بالنسبه ليا انا مش ثابته اوى يعنى ومش فى ايام محدده. بس نقول مرتين تلاته مثلا

هل تفضل ان تقضى الوقت مع خطيبتك /خطيبك ام قضيانه مع اصدقائك ؟
حسب المزاج ...لكن بالطبع مع خطيبتى ,لكن الواقع انه ده مش بيحصل ويمكن ناااس كتير تقول انى مش مهتم لكن اللى فى القلب فى القلب

هل الخطبه وعد بالزواج وفتره اختبار بين الطرفين ام ان الامر غير ذلك مع الشرح؟
حلوه مع الشرح دى
هههههههههه... لا الخطبه من وجهه نظرى ليست وعدا ولكنها رابطه مقدسه اكثر من الوعد طبعا لانها مرحله اولى "يعنى لو قلنا وعد يبقى بنقلل منها"
لكن هى كمان مش فتره اختبار والا اللى بيعرف يمثل اكتر يكسب ...وكده نبقى خرجنا عن مضمونها اللى هو اصلا معرفه للشخصيه وتعود على طباعها اكثر منه اختبار للى قدامى بحيث تعتبر فتره تأهيل للزواج

هل من السهل التراجع عن الخطبه ام تتعرض كل من الفتاه والشاب لضغوط من الاهل؟
انا مش فاهم السؤال قوى لكن يعنى نقدر نقول اللى بيحبوا بعض بيبقى صعب انهم يسيبوا بعض
يبقى الخطوبه اولى

هل التوافق مطلوب بين الزوجين
يعني طبيبه تزوجت سائق تاكسي لانه كسيب وفتح لها عياده
هل ينجح مثل هذا الزواج؟
طبعا التوافق مطلوب جدا جدا "وفى كل حاجه سواء طباع او اخلاق او مستوى اجتماعى "
بس التوافق مش التطابق يعنى مش كربون "الكتور يجوز دكتوره والمهندس ملوش غير مهندسه"
والتوفق ده مش لازم يبقى تام ولا كامل لكن يحقق الغرض منه

هل تحول الزواج الي صفقه بين الرجل والمراه؟
لاسف ايوه او على الاقل نقول الغالب كده

على ردك يا مووووووور

فين ردك يا حبيبه
هههههههههههه

ردى جى فى السكة
بس انت عارف بقى المواصلات اليومين دوووول ..
ههههههههههههه

مش تتريقى انا عايز اشوف الرد

ان شاء الله هكتب ردى بس عايزة اشوف ردود الاعضاء الاول

على ردك يا صاصا

بس بجد مشكلة كبيرة لو أصبح صفقة لانها بالتأكيد مش هتنجح