SHABAB POP = SHABAB POPular

سؤالى للبنات

هل ( الشباب = الاولاد ) كلهم بيجرحوا؟

هل لو شاب هو اللى جرح اذا هى قاعده عامه يؤخذ بها ؟

نرجو من البنات الرد على هذا السؤال ولا احد من الاولاد يرد عليه الا بعد رد البنات

وتحليل هذا السؤال تحليلا بينا

وما زال سؤالى السابق قبل هذا قائما

اولا كتير من الشباب اول مابيتملك من شعور الفتاه التى امامه بيتقلب 360 درجه الطيبين اوى فى الزمن ده هم الذين لايجرحو وعلى فكره فى بنات كتير بتجن الشباب العيب فينا يا فى حبايبنا وكلنا مجاريح

احنا يا مستر مصطفي كيدنا عظيم لان احنا بنصبر وبنصبر وبنصبر لحد ما بيفيض صبرنا وبعد كده بنعمل اللازم
احنا فعلا جبارين بس بعد ما بنستنفذ كل طاقه صبر بنملكها يعني انتو مش بتقدروا تستحملوا اللي احنا بنستحمله ممكن تستحملوا شويه بس بعد كده تقولوه ياااااااه دا المسؤليه هم كبير اوي

وبالنسبه لسؤالك هل لو شاب هو اللى جرح اذا هى قاعده عامه يؤخذ بها ؟

اكيد لاء مش قاعده عامه بس بقي دلوقتي شباب كتير طبعا الا من رحم ربي بتجرح كتير من البنات للاسف احنا طبعا مش ملايكه بس للاسف لما بنحب مش بنخون اللي قدامنا اكيد برضوا احنا بنغلط بس انتوا مش بتصبروا زينا ولا عندكوا طاقه تستحملونا

معاكي حق يا لي لي
الاولاد دول ملهمش امان وع راي المثل والا مكنش اتقال يا مامنا للرجال يا مانا للميه ف الغربال
لو البنت غلطت مره الولد بيغلط ادامها عشر مرات
ولو جرحت مره الولد
بيجرح عشر مرات
الاولاد فعلا ع راي ولاء لما بيتملكوا من البنت يبداوا يظهروا ع حقيقتهم والمستخبي يبان طب كان ليه من الاول مموت نفسك عليها مش عارفه
وانا بقول ان الشباب بتجرح اكتر من البنات وجرح الاولاد اصعب ميت مره من جرح البنت

وعاوزا حد يجاوب ع سؤالي
مين بيخون اكتر البنات ولا الاولاد يا اولاد ؟

فى
الولاد اللى بيحبو يتفشخرو انهم يعرفو بنات
وفى بنات بردو كتير اللى بتلف حولين الولد
عشان معاه فلوس وعربيه وعايزه ده وعايزه ده
وفى رايي ان سؤالك ده ياتوتا هيكون معظم الاجابات بتعته
على شخص واحد خان ولى هيجاوب هيعمم على كله
ومعتقدش ان السؤل ده ليه اجابه محدده من الواقع العملى
لان زى مقولتلك اللى هيجاوب هيجاوب على حدث حصل ليه وهيعممه

وانا هسأل سؤال ليه البنات بتحب الولد الى بيتقل عليهم ومع العلم
انه ممكن ميكونش بيفكر فيها وهيه بتفتكره تقل؟ بتحددوها ازاى؟

اكيد لاء طبعا بس ممكن يكون في بنات صح كده عامه بيبان اذا كان الولد معجب بالبنت او لاء واللي بيتهيائلها كده اكيد بييبقي همها تتسلي وتعرف اي ولد وخلاص عشان المنظره او الولد يكون عجبها زياده عن اللزوم فابتحس انه تقلان عليها

والله اللى بيكون ناوى خير ربنا بيبين له كل حاجه وفى الزمن ده الحب ضايع لان مبأش فيه حب لو بنت ومش كلهم طبعا
عايزه تتسلى او ولد فده لا يذكر فالحب

مش عارفة بس انا لو واحد بيعملنى بالتقل كده مش افكر فيه ثانية واجدة

بس عارف يا أودى أحسن صفة بتعجبنى فى الولاد التقل

الولاد اللى بتبقى واثقة من نفسها وكلامهم بيبقى قليل وفى الغالب بيبقوا زى القمر

دول انا معاهم ان هم يتقلوا براحتهم بس مش علينا

انا الصراحه مش هفيدك فى الموضوع دا يا اودى لانى الصراحه مجربتش
وانا عموما محبش الولد التقيل خااااااااااااااااااالص ومشيه على مبدا اللى يهواك اهواه واللى ينساك انساه

السؤال للاولاد :

اتباعكم للموضه بلا تفيكر ولو سالنا حد مثلا مسقط البنطلون ليه هيقول دى موضه

طبعا اقصد بكلامى البعض من الشباب

للأسف يا سكاي الموضوع دلوقتي بقي سلطة

وبعض الشباب اصبح هوائي وسهل التأثر بأي شئ .. وخاصة من خلال انبهاره بالغرب

وتلاقيه مبسوط جدا ومقتنع للغاية باللي بيعمله .. وانه بكده شاب كوووول شاب محدش يقول عليه ( قديم )

واستغربت لما عرفت انه في احدي الولايات الأمريكية واعتقد انها فلوريدا

بتغريم من يقوم بتسقيط بنطلونه 600 دولار

lata3liq

وبعدين يا سكااي الموضوع دلوقتي غير مقتصر علينا بس

لكن الموضوع علي الشباب والبنات سواااااااااااء

يعني تلاقي بنت لابسه ( من غير هدوم ) بغض النظر عن اذا كانت ضيقة او شفافة

ولا حول ولا قوة إلا بالله

تقولك هي دي الموضة .. وتقولك برده : هو ده اللي موجود في السوق .. يعني اعمل ايه

وتضحك علي نفسها بالكلمتين دول .. ال يعني بتصبر نفسها

وبجد ربنا يسترها يا سكاي .. لأن حالنا بقي صعب اوي

كلامك صح يا قلم

وفى بنات مسقطه البنطلون بردوه

ننتظر سؤال الاولاد للبنات

سؤال الاولاد للبنات

ليه بيطلق عليكم مقولة

اكسرلها ضلع يطلعلها 24

على اساس ان اللى بيضربو البنات بيضربوهم بحنيه وبعدين محدش بيموت ناقص عمر

فعلا محدش بيمووت ناقص عمر

lol!

ده مثل مش اكتر

ننتظر بقية ردود البنات على السؤال

انا مش عرفه همه سابونى وراحو فين

احنا معاكى يا ولاء
رداً ع سؤال مصطفى
انا شايفه ان ييطلق المثل دا لان حواء خلقت من ضلع اعوج والله اعلم

فين الباقى

لا يا سكاى اكيد مش عشان حواء اتخلقت من ضلع اعوج

معلش لو هخرج عن الموضوع شوية وبعد كدة نشوف حكايت المثل اللى انا مش مقتنعة بيه نهائى ده

حد سأل قبل كدة ليه حواء اتخلقت من ضلع اعوج وليه حواء خلقت من ضلع أدم وهو نائم

لماذا خلقت حواء وادم نائم؟؟؟؟؟؟؟؟؟؟

أتعلمون السبب ؟؟

يُقال إن الرجل حين يتألم يكره، بعكس المرأة التي حين تتألم تزداد عاطفةً و حباً

فلو خٌلقت حواء من آدم عليه السلام و هو مستيقظ لشعر بألم خروجها من ضلعه و كرهها،

لكنها خُلقت منه و هو نائم .. حتى لا يشعر بالألم فلا يكرهها

بينما المرأة تلد و هي مستيقظة ، و ترى الموت أمامها ،

لكنها تزداد عاطفة .. و تحب مولودها ؟؟ بل تفديه بحياتها

لنعدْ إلى آدم و حواء ..

خُلقت حواء من ضلعٍ أعوج ، من ذاك الضلع الذي يحمي القلب

أتعلمون السبب ؟؟

لأن الله خلقها لتحمي القلب .. هذه هي مهنة حواء .. حماية القلوب ..

فخُلقت من المكان الذي ستتعامل معه

بينما آدم خُلق من تراب لأنه سيتعامل مع الأرض ..

سيكون مزارعاً و بنّاءً و حدّاداً و نجاراً

لكن المرأة ستتعامل مع العاطفة .. مع القلب .. ستكون أماً حنوناً

.. وأختاً رحيماً .. و بنتاً عطوفاً ... و زوجةً وفية

الضلع الذي خُلقت منه حواء أعوج

يُثبت الطب الحديث أنه لولا ذاك الضلع لكانت أخف ضربة على القلب سببت نزيفاً ،

فخلق الله ذاك الضلع ليحمي القلب .. ثم جعله أعوجاً ليحمي القلب من الجهة الثانية ..

فلو لم يكن أعوجاً لكانت أهون ضربة سببت نزيفاً يؤدي – حتماً – إلى الموت

لذا ...

على حواء أن تفتخر بأنها خُلقت من ضلعٍ أعوج

و على آدم أن لا يُحاول إصلاح ذاك الاعوجاج ، لأنه و كما أخبر النبي صلى الله عليه وسلم

إن حاول الرجل إصلاح ذاك الاعوجاج كسرها

و يقصد بالاعوجاج هي العاطفة عند المرأة التي تغلب عاطفة الرجل

فيا ادم لا تسخر من عاطفة حواء

فهي خُلقت هكذا ..

ويا حواء لا تحزنى كونك عاطفية فذاك كملك ومنتهى روعتك

معلش انى طولت عليكوووووو

نرجع تانى لحكايت المثل ممكن المثل ده كان بيتقال زمان لان كان الولد مسموح له بكل شىء ولكن البنت كانت دائما جالسة فى المنزل فلو يعنى قالت عايزة اخرج زى اخوها وكدة
ممكن يسيطروا عليها فكانوا بيقولو اكسرلها ضلع يطلعلاهها 24 كنوع من التأديب

بس اكيد المثل ده مبيتألش دلوقت

وعموما الضرب مبيجبش فايدة

اللى يجيب فايدة التفاهم والصبر والوصول لفكرة نفسها
بس الناس اللى بتمشى بالمثل ده اكيد معندهمش تفاهم و بيفتكروا ان ديه رجوله

ودى وجهت نظرى وكل واحد طبعا له وجهت نظر

حبيبة كتب:: الضلع الذي خُلقت منه حواء أعوج

يُثبت الطب الحديث أنه لولا ذاك الضلع لكانت أخف ضربة على القلب سببت نزيفاً ،

فخلق الله ذاك الضلع ليحمي القلب .. ثم جعله أعوجاً ليحمي القلب من الجهة الثانية ..

فلو لم يكن أعوجاً لكانت أهون ضربة سببت نزيفاً يؤدي – حتماً – إلى الموت

و يقصد بالاعوجاج هي العاطفة عند المرأة التي تغلب عاطفة الرجل

]

اعتقد ان هى الاجابه اللى انتى قولتيلى عليها لا ياسكاى اكيد مش عشان المراه خلقت من ضلع اعوج . عموما يا حبيبه سؤال مصطفى كان ايه السبب لمثل اكسر للبنت ضلع يطلعلها 24.....عموماً انتى اكدتى اجابتى بالادله كمان ..

شكراً لمشاركتك معانا يا حبيبه بما انها اول مره ونتمنى ذلك دائماً..وطبعاً مشكوره ع الافاده الغاليه .

لاء يا سكاى هو اعوج ولكن ان انكسر مش هيطلع بداله 24 زى المثل
وان اخف ضربة ستميتك

ومعلش انى هنسحب تانى لانى مسفرة وان شاء الله لما ارجع ابقى معاكوا

مشكوره لردك يا حبيبه

وننتظر سؤال البنات للاولاد

السؤال للاولاد :

هما ليه دايما بيقولو يا مأمنه للرجال يا مأمنه للمياه فى الغربال

بلدنا مليانة امثال وحكايات ........... وزي ما في امثال عن الرجل برضه في اخري عن المرأة

والفكرة اللي اتاخدت عن الرجل انه ( بصباص ) .. لأ وكمان اشتهر بكده .. وبكده مفيش زوجة تقدر تأمنله

وده طبعا مش جاي من فراغ ........................ ؟

لأن الفترة دي كانت فترة مليااااااااااااااااااانة بالأمثال الشعبية والحكايات المتعلقة بالتراث

والناس الكبيرة اللي كان ممكن تاخد من جواها كلام .. يخليك تحس ان للحياة معني .. ناس بتقول حكم

كلامها بسيط جدا .. لكن جواه معاني كتير .. هما دول كانوا خير بلدنا

ده غير ان العامل الديني والأخلاقي جوه الناس كان متواضع جدا .. لدي معظم فئات الشعب

لكن طبعا منقدرش نعمم الحكم لأي من الطرفين .. واكيد هنلاقي الحلو والوحش

وهنلاقي برضه ميه وكمان غربال

تسلم يا قلم عالرد

تسلملي يا مصطفي

شكراً لردك يا قلم
وننتظر سؤال الولاد للبنات

ومازالنا ف انتظار سؤال الاولاد للبنات
وان لم يكن لديكم فنحن نسأل

سؤالى:
ليه بيقولو ان البنات زى القطط غداره؟

البنات برضوا هي اللي غداره صراحه اشك في المقوله دي
وحتي لو البنت غدرت بحد بيكون دافعهاانها تعمل كده كبير ومش بيكون من فراغ لان التعامل مع الرجل صعب جدا ولو البنت غدرت مره الولد بيغدر الف مره ومره ولو البنت عملت كده انا واثقه انه مش كان قدامها غير الحل ده لان احنا بطبعتنا بنستحمل كتيررررررررررر جدا

انا بأه اول مره اسمعالبنات زى القطط غداره

دى مقوله ياولااء وشكرا ليكى يتوتا
ومستنين سؤال البنات او اجابه تانيه للسؤال

وسؤالي للشباب
ليه دايما بتحبوا وتقبلوا حاجات وتصرفات علي نفسكوا وتزعلوا وتتقهروا لو احنا عملناها

مش دايما ولا حاجه وانا عن نفسى مش كده وكمان انا شايف انه اللى يحب حد لازم يحافظ عليه يعنى لو محافظش عليه يبقى مش بيحبه

في فرق يا مور بين المحافظه والتسلط معلش انا هسميها كده
ولو انت مش بتعمل كده في الاف بتعمل كده

كل واحد جر لكن ميبقاش اسمه الكل

خلاص يبقي الكل الا من رحم ربي

ايوه كده صح يا مور والله انت لو شفت اصحابك هتلاقيهم اغلبهم كده

الحقيقه انا مبيش اصحاب كتير لكن لما حد منهم بيتصرف كده بغلتبه وكتير سيبت ماس بسبب الموضوع ده

والله حصلت كتير

عشان تعرف بس اني علي حق

SHABAB POP = SHABAB POPular

حوار بين شباب وبنات المنتدى