مرة قام يتفلسف حمار و يخاطب إبن آدم و يقول له:

عجبي عليك يا ابن آدم يا كبير الدار

قوّمت الدنيا و ما قعدتهاش لما قالولك حمار

ايه يعني اسمي شتيمة و لا جنسي ده عار

خلقني ربي و خلقك و ما حدش بإيده الإختيار

و أنا مهما زاد الحمل فوقي صابر على المشوار

لا بيوم أرفع عيني على جارتي و بصون الجار

و لا بيوم بطلّع على رزق غيري و بطقّ منه و بغار

و لا مهر أدفع لحمارتي و لا خواتم و لا شوار

و لا شقة أحوش لها طول عمرى و لا أجهز دار

و لا مراتى حامل تتوحم عايزة الكافيار

و لا بنت تخرج عن طوعي و تجيب لي العار

و لا ابن يدمن و يهلوس و يقع منهار

عايش بحالي و متهني وليه احتار

باكل و بشرب و أنهق و ما عنديش أسرار

و عندي ابن آدم يخدمني ليل و نهار

اذا جعت يشتري برسيمي بأغلى الأسعار

و اذا مرضت بيعالجني و يدعي الستار

خادم أمين من غير راتب و لا حتى أيجار

عرفت يا بني آدم مين فينا طلع الحمار؟؟

انت كده جبت المفيد بس ربنا فضلك عليهم بالعقل فأنهم لا يدخلو الجنه ولا يرو الحور العين وانما انت تأخذ عليهم حسنات اذا كنت ترحمهم ولكل كائن فى الدنيا سبب فخلق الله الدواب ليخدموك وانت ايها الانسان لتعبد الله وكما قال الله تعالى "انا خلقنا الانسان فى كبد"فيجب ان تسعى حتى تنول ولا تيأس حتى تفارق دنياك لآن اليأس من الشيطان
وهذه سنه الحياه واستأذنى اقول لك حرم الله تشبيه انسان بحيوان

معلش لو ردى زعلك بس ده هو الصح فى رأيى

مشكور جدا لمرورك يا اودى بس لو كنت
ركزت شويه كنت هتعرف ان الموضوع كله
هزار فهزاااااار بس انا عظرك اليومين دوول