بفضل الله ــ سبحانه وتعالي ــ عدنا ومعكم بعد الفاصل

عزيزي الصاحي .. لو كنت بتعاني من أرق لأي سبب و حاقد على واحد نايم او اذا طق فيوز النذاله فجأه عندك أو عرق الرذالة بيوجعك وقدامك واحد نايم زي أي بطيخة بتحترم نفسها .. ركز معايا هأقولك تعمل ايه .. وتعملها بالحرف عشان الصينية ماتتحرقش

ماعليك الا ان تتبع الخطوات التاليه :
وصدقني ممكن يقتلك فيها أو ينتحر بس انت جرب


1) اذا كان في عز نومه وانت مانمتش أو مش جايلك نوم ادخل الأوضة وشغل النوووور واطلع بمنتهي البرود كأنك معملتش أي حاجة .. وإذا كان نومه خفيف هايصحي ويقولك ( إطفي النور يا حيوان ) إحنا إتفقنا إنك بارد .. عشان كده ماتديلووش اي اهتمام .. و تذكر القانون الأول لنيوتن في التنفيض : " لكل فعل له تنفيضة مساوية له في المقدار و مضادة له في الإتجاه " .

أما لو كان نومه تقيل يبقي تستعمل الطريقة رقم 2

2 ) إكتشف إن في بيتكم سرير وعايز تتأكد إن كل حاجه تمام و إن السرير رجليه مظبوطة طبعا دا السرير إللي أخينا اللي هو الضحية الغلبانة نايم عليه وساعتها بقي تقوم وتدغدغ الدنيا .. اييييييييييييه بصلح السرير .. دقدقة بقي وتخبيط ودب دب وحاجات من اللي قلبك بيحبها .. ولكن خلي بالك .. لو لقط دماغك وانت بتخبط في السرير هيحطها في المفرمة .. وده أقل واجب بصراحة ممكن يعملوا مع واحد بارد زيك .


3) اذا كنت مقهــــــــور من واااحد ناايم العصر او الظهر أدخل الأوضة وغطيه كويس قوي و إقفل التكييف واطلع ومتنساااااااش تقفل كل الأبواب والشبابيك .. ياسلااااااااااااااااام بقي لو في دفاية .. هو ده , ياعيني شغلها .. ولا اقولك ولع فيها وسيبه واطلع بره وكأنك متعرفش أي حاجة ماللي حصل خالص .


لسه ما قامش ؟؟ إوعي تيأس

4) لو كان لسه ماقامش !!! ماتعملش حاجة من اللي فات .. لكن بكل بهدوء وبساطة حط ايدك على الراديو وشغل أي محطه خرباااانه وبتوووووووووش وعلي الصوت علي الآخر بقي وووووووووووششششششششششش و يا حبذا بقي لو كمان تلفزيوووو ن .. ياااااااااه تبقي الحياة بمبي وبرضه تفتحه علي محطة ماللي بيقفله بدري بتووووووووش برضه واعمل نفسك نااااايم ونسيت الحاجة دي شغالة


5) اذا كان لسه نايم وانت شبعااان نوووم بس زهقان ياعيني وعايز تتسلي شوية .. بص ياسيدي :
جيب شوية ميه ساقعة تلج ( زيك كده ) وقطارة محترمة كده وقرب منه وقطر على وشه قطرة قطرة هايترعش ويمسح وشه فاكرها نمله ولا حاجة .. واقعد كده لحد ما يصحي و يقوم يرزعك قلم محترم علي وشك ويكمل نوم .



6 ) اوعي اليأس يدخل قلبك قولنا خليك ايه ......... ؟ خذ منديل ولفه لحد ما يبقي على شكل العود... الغرض ان يكون نهاية طرفه حاد وبس يا معلم .. بص بقي ياكابتن ياحريف .. دلوقتي دماغه هي الملعب وانت الهداف يامعلم .. عايزك تجيب إجوان للصبح لحد الحكم ما يصفر .. أقصد يقوم يرزعك بونية في وشك يجيب أجلك علطووول ............ .
وصفر الحكم .. إبدأ يا ابو تريكة يا معلم وخلي الشبكة تتكلم .. حطها في ودنه والعب بقي زي مانت عايز وهات اجوااان للصبح .. بس لو صحي ولقاك قداموا مليش دعوة انت حر .. هيقوم يرزعك رصاصتين يخرملك وشك ........ .


واذا مانجحتش كل الطرق اللي قولناها ... تأكد انه مش بني آدم رسمي .. خليه نايم أحسن واطلع من الأوضة بدل ما يجيلك شلل نصفي أو تتجنن .

منقووووول للإفادة
ونلتقي بعد الفاصل .. إن شاء الله

شكلك بتحب الخير ياقلم
بس حلوه قوي

هههههههههههههههههههه


جميله يا قلم

ممكن حاجه تاني وعن تجربه
تدخل تدور علي اي حاجه ضيعه وياحبذا لو دورت علي السرير وارفع رجله واهبدها او قله بعدازنك محتجين خشب واسحب من تحته ملتين او ممكن تقوله هنغسل وتشيل الملايه والمخده من تحتيه

انا مبحبش حد يديقنى وانا نايمة

بس ممكن ادايق حد هو نايم

شكرا ياجماعة علي مروركم ....... ودايما منورني ....

وبعدين ياتوني جامدة قوي الفكرة اللي انت قولتها .. وياسلام تقوم شادد الملاية والمخدة .. يروح واقع عالارض مهبووود هبده تورم وشه

منورني يا صاصا

اسال مجرب ياقلم بس وشي مورمش قوي علي فكره

دانت شكلك متخصص

لا اصلي كنت في معسكر واتعملت معايا
كنت سهران طول اليل ولما دخلت انام مجرد بس مروحت في النوم لقيت السرير فقوه مش انا اللي فوقيه

الله يرحمك ياصميده ياولدي
واللهي فكرتني بيه ياولدي

يبقي السرير هو اللي فاز

ههههههههههههههههههههههههه

حلوة اوى يا قلم

منورة يا همسة .. وجربي وقوليلي ايه النتيجة

ده يعني لو مفيش علقة محترمة من اللي انتي هتطلعي عينه وهو نايم

ياتري العلقة هتبقي عاملة ازاي

هههههههههههههههههههههههه
ميتحكيش علييييييييييييها